Reservoir Dogs (títol orichinal en anglés, en aragonés Cans de reserva, enguerada en Aragón con o suyo títol orichinal) ye una cinta de cine d'intriga, cine negro y cine de gángsters de l'anyo 1992 de cine estausunidense dirichida por Quentin Tarantino seguntes un guión orichinal d'él mesmo, con una dirección de fotografía d'Andrzej Sekuła, una producción cinematografica de Lawrence Bender ta las productoras Live America Inc. y Dog Eat Dog Productions y un elenco formau por os actors Harvey Keitel, Tim Roth, Michael Madsen, Chris Penn, Steve Buscemi, Lawrence Tierney, Randy Brooks, Kirk Baltz, Edward Bunker, Quentin Tarantino, David Steen y Steven Wright.
En a cinta se conta la historia d'un grupo de gángsters que dimpués de fer un atraco se troban en un magazén albandonau trobando-se con que un d'éls ye greument feriu y dimpués sospeitando que un d'éls treballa ta la Policía. S'ambienta en a ciudat de Los Angeles en epoca actual d'a cinta (1992) y las suyas escenas se filmoron en as localidaz de Los Angeles y Burbank, en California.[2] Ye una cinta que ha recibiu cuantos premios y nominacions.